Nuer Field Project

Nouns Verbs Verb Book Expressions Pedagogical Grammar of Nuer Translation of Genesis in Nuer Others

Bible Translation

Cio̲o̲k 39

1 Täämɛ cuaa Jothɛp ku naŋ kä Ijipt, cuaa
wä kɔk kä ji Icmɛyɛl ɛ wut mi kuäär rɛ̈m
Përow mi cɔal i Patipɛr. E kuäär mi këŋ
mi la raan ji Ijipt. 2 Jaopa tëë kɛɛl kɛ
Jothɛp, cuaa wut mi jäl ni kɛ cio̲o̲k cuëëc.
Cuɛ tey dueel kua̲rɛ mi la raan Ijipt. 3
cu kuäärɛ jɛ coo nɛn i Jaopa a kɛɛl kɛ jɛ,
kɛnɛ ɤöö cɛ jɛ jek kä lät a gɔaa a ci ŋɔak
ro rep tetkädɛ. 4 Cu Jothɛp gɔɔy lɔaac coo
jek nhiamdɛ, kä cuɛ jɛ ka̲m tiit, cuɛ jɛ jak
kä neen ciëŋdɛ, cuɛ jɛ jak kä yieen ŋɔaknikɛ
diaal. 5 Mëë cɛ Jothɛp ku ka̲m la̲t duëli
diaal a mäni ŋɔaani kɔkiɛn cu Jaopa duel
kua̲r ran Ijipt ɛmɔ poth kɛ kui̲c Jothɛp, kä
cu Jaopa ŋɔakɛ diaal poth, nyin duëël a mäni
nyin kakä. 6 Cuɛ ŋɔakɛ coo la̲th tetkä
Jothɛp.
Täämɛ Jothɛp ɛ wut mi gɔaa Puɔ̲nydɛ mi te kɛ
maan. 7 Kɛ gua̲a̲ mi tɔt cu ciek kua̲r lɔcdɛ
wä kä Jothɛp, cuɛ jɛ jiök, "Nini kɛ ɤä."
8 Kä cuɛ jɛ lo̲k, cuɛ ciek kua̲rɛ jiök,

(Page 152)

"Cä ga̲a̲c kɛ ɤöö kui̲c kuäärä ti diaal ti te
dueel ti kɛ kui̲cdä kɛ min cɛ ŋɔak diaal ti
te kɛ jɛ la̲th tetkädä. 9 Cɛ lɛ ŋot di̲t ni
jɛn rɛy duëël ɛmɛ kä ɤä, kä thilɛ mi cɛ gaŋ
jɔk mi 'kenɛ la̲th tetädä thil ni puɔ̲nydu kɛ
ɤöö lapi ciekdɛ, täämɛ dëë mi jiääk mi di̲i̲t
mi cet kɛ nɛmɛ kɛnɛ duer ku lɛ lät kä Kuoth
i diän?" 10 Cäŋ laa ruacɛ kɛ Jothɛp ciaŋ
ciaŋ 'cɛ ruacdɛ dee liŋ i bɛ niɛɛn kɛ jɛ kɛnɛ
ɤöö bɛ tey kɛɛl kɛ jɛ. 11 Kä kɛ cäŋ kɛl mi
cɛ wä dueel wëë la̲tdɛ la̲t, kä thilɛ ram te
dueel kä wutni tin laate thi̲n, 12 cu ciek
ɛmɔ bi̲i̲ydɛ käp, cuɛ jɛ jiök, i "Bër niɛnɛ."
Cu Jothɛp ɛ puɔ̲t bi̲i̲ydɛ, kä cuɛ rɔɔdɛ bar
raar. 13 Mëë cɛɛ nɛn i ci Jothɛp bi̲i̲ydɛ
duɔth tetkädɛ a cɛ rɔɔdɛ bar raar dueel, 14
cuɛ ji duëëlɛ cɔl, cuɛ kɛ jiök, "Nɛ̈nɛ jɛ, cɛ
rɛydan nöŋ raan Hi̲i̲bɛru kɛ ɤöö bɛ kɔn ben
pual. Cɛ ben kä ɤä kɛ ɤöö bakɔ ben niɛɛn kɔn
jɛ, kä cua wak kɛ jɔw mi di̲i̲t. 15 Mëë cɛɛ
ŋa̲c ɛn ɤöö ci ɤän jɔwdä kap nhial kɛ wak mi
di̲i̲t cuɛ rɔɔdɛ bar raar dueel, cuɛ bi̲i̲ydɛ
ba̲ny piny kutdä."

(Page 153)

16 Kä cu ciek ɛmɔ bi̲i̲y Jothɛp la̲th kutdɛ
a mäni mëë wä kuäärɛ wä ben. 17 Kä cu ciek
ɛmɔ ruac ɛmɔ la̲r ɛ, cuɛ wee, "Täämɛ ja̲ŋdu min
la raan ji Hi̲i̲bɛru ëë ci ji̲n ɛ nöŋ kɔn cɛ
ben kä ɤä kɛ ɤöö bɛ ɤä puɔl. 18 Kä ni ɛɛn
di̲n di̲i̲ni mëë cä jɔwdä kap nhial kɛ wiee,
cuɛ ɤä ba̲ny bi̲i̲ydɛ, cuɛ rɔɔdɛ bar raar dueel."
19 Mëë ci kuäärɛ laat ciëkdɛ tin cɛ la̲t ɛ
liŋ, i Nɛmɛ ɛ jɛn la̲t in ci läätdu jɛ lät
kä ɤä cuɛ lɔcdɛ waŋ. 20 Kä cu kuäär Jothɛp
jɛ käp, cuɛ jɛ la̲th dueel yieenkä gua̲a̲th in
la mabuthni kua̲r in di̲i̲t a yiankɛ thi̲n, cuɛ
te thi̲n rɛy yienkä ɛn wanɔ. 21 Kä cu Kuoth
Joapa te kɛɛl kɛɛ Jothɛp, cu Kuoth Jothɛp
nyuɔ̲th gɔɔy nho̲kädɛ mi 'ci rɔ wany, kä cu
Jaopa kuäär duëël yieenkä nɔmɔ jak kä tɛth
lɔcdɛ kɛɛ Jothɛp. 22 Kä cu kuäär duëël
yieenkä Jothɛp ka̲m wi̲c la̲t kɛɛliw a mäni
wi̲c mabuthni diaal tin te rɛy yienkä. Ti
diaal tëë caa la̲t ɛn thɔ̲ŋ ɛmi cukɛ cuaa
lät jɛn. 23 Kä cu kuäär duëël yieenkä coo
thil riɛk kɛ ti diaal tëë te tetkä Jothɛp
kɛ ɤöö te Jaopa kɛɛl kɛ jɛ.

(Page 154)

Kɛn kɛl ɛ cɛ la̲tɔ la Jaopa jɛ a jak kä gɔaa.

Nuer Field Project Nouns Verbs Verb Book Expressions Grammar Genesis Others