|
|
||||||
|
|
|
|
|
|
|
Cio̲o̲k 21
1 Cu Jaopa ben kä thɛyrä cet kɛ mi cɛ lar,
kä cu Jaopa Thɛyrä lät kä mi cɛ lar. 2 Cu
Thɛyrä ruët, cuɛ gat mi dho̲o̲l dieth kɛ
Abɛraam a ci Abɛraam ku thuŋ a ram mi dɔaŋ ni
kɛ jɛn gua̲a̲th ëë ci Kuoth ɛ la̲r jɛ. 3 Kä
cu Abɛraam gatdɛ in caa di̲eth jɛ ɛ Thɛyrä cɔl
i Aydhɛk. 4 Cu Abɛraam gatdɛ ni Aydhɛk a cɛ
ku thuŋ te kɛ run ti kuɔ̲r kɛl. 6 Cu
thɛyrä wee, "Täämɛ, Kuoth cɛ ɤä moc mi baa
dɔl ni ɤä ɛ naath. Nɛy diaal ti baa nɔmɔ
liŋ bi kɛn ɤä dɔl." 7 Cu Thɛyrä wee, "Dee
ŋa Abɛraam ku la̲r ɤöö bi Thɛyrä ŋc̲a̲a̲ŋ a bi
bapdɛ te kɛ ti lueth? Kä jɛn cä lɛ diëth
gatdɛ a cä ku thuŋ dɔŋ ɛ."
8 Cu gat piith, cuɛ luleth thiin man päl.
Cu Abɛraam mi̲th muɛŋä la̲t guäth ëë cɛ luëth
päl. 9 Kä cu Thɛyrä gat nya ji Ijipt mi
cɔal i Hɛgar mi cɛ diëth Abɛraam nɛn ŋarɛ
kɛ gatdɛ ni Aydhɛk.
(Page 68)
10 Cuɛ Abɛraam coo jiök, "Tuk nya jäŋä
nɛmɛ kɛɛl kɛnɛ gatdɛ kɛ ɤöö 'ci gat nya
jäŋä nɛmɛ dee met a gat wec gɔaal kɛɛl kɛ
gatdä ni Aydhɛk." 11 'Ken Abɛraam
tɛɛth kɛ lieŋ kä nɔmɔ kɛ kui̲c gatdɛ. 12 Kä
cu Kuoth Abɛraam jiök, "A lɔcdu 'ci jiäk kɛ
kui̲c dhöl kɛnɛ kui̲c nya jäŋädu, mɔ bi Thɛyrä
jɛ la̲r ji mɔ lätni jɛ kɛ kui̲c kä ɤöö bi
kuayku ciötdiɛn jɔɔc kɛɛ Aydhɛk. 13 Kä bä
do̲r cak kɛ gat nya jäŋä kɛ ɤöö ɛ kuɛ̈ɛ̈du bä."
14 Cu Abɛraam rɔ coo jiɛc kɛ runɔaŋ ɛlo̲ŋ,
cuɛ kuän kɛnɛɛ dhaar pi̲i̲ni ka̲n, cuɛ jɛ ka̲m
Hɛygar, cuɛ jɛ la̲th wukädɛ kɛnɛ gatdɛ kɛɛl.
Kä cuɛ jɛ jak kä jiɛn. Cuɛ jiɛɛn, cuɛ ku wä
yiec dɔɔr kä Birciiba. 15 Mëë ci pi dhar
thuuk cuɛ gat yuɔr thaar but butkä. 16 Cuɛ
jiɛɛn cuɛ wä nyuur a na̲n cet kɛ pek mi dee
raan mut yuɔr thi̲n kɛ ɤöö cɛ lar, "A 'cä
lia̲a̲ gatdä guic." Mëë cɛ gerɛ riet jɛ cu
gat jɔwdɛ kap nhial cuɛ röt. 17 Cu Kuoth
jɔw gatkä liŋ, kä cu jääk Kuɔth Hɛygar cɔl
nhial, cuɛ jɛ thiec,
(Page 69)
"E ŋu mi ci tuɔɔk kä ji, Hɛygar? Cu dual
kɛ ɤöö Kuoth ɛ jɔw gatkä liŋ guäth in tëë
thi̲n. 18 Jiɛc rɔ, kapni gat nhial, rɔm ɛ a
bum kɛ tetdu kɛ kui̲c kä ɤöö bä jɛ jak kä do̲r
mi di̲i̲t." 19 Kɛ gua̲a̲ mi tɔt cu Kuoth wäŋkɛ
lɛp, cuɛ jiɔ pi̲i̲ni nɛn, cuɛ wä, cuɛ dhaar
pi̲i̲ni wä thiäŋ kɛ pi, cuɛ gat ma̲a̲th. 20 Cu
Kuoth te kɛɛl kɛ dho̲o̲l ɛmɔ, cu dho̲o̲l piith,
cuaa wut. Cua ciɛŋɛ ni rɛy dɔaar, cuɛ rɔ
ŋieec kɛɛ bäär, cuɛ cuaa rääŋ. 21 Cuɛ cieŋ
ni rɛy dɔaar mi cɔal i Paran, kä cu man ɛ wä
kuën ciek ro̲ol mi cɔal i Ijipt.
22 En guäth ɛmɔ cu Abimɛlɛk kɛnɛ Picɔl,
kuäär rɛ̈m Abimɛlɛk, Abɛraam jiök, "Kuoth a
kɛɛl kɛ ji rɛy kä ti diaal ti läti. 23 Kɛ
kui̲c ɛmɔ täämɛ yac rɔɔdu wanɛmɛ kɛ ciöt Kuɔth
nhiamdä kɛ ɤöö 'ci ɤä bi lät kä ka̲a̲cni kiɛ
cäŋ ɛ ni gaatkä kɛnɛ kuaykä, kä cet kɛ mëë
cä ji lät kä cuŋ, ɛ jɛn bi lɛ ni lät kä ɤä
mɔ bä, mäni mun mi tii thi̲n." 24 Cu Abɛraam
wee, "Ɣän bä rɔ yac kää nɛmɛ."
(Page 70)
25 Mëë ci Abɛraam ruac ɛlo̲ŋ kɛ Abimɛlɛk kɛ
kui̲c jiɛw pi̲i̲ni mi caa mac ɛ la̲a̲t Abimɛlɛk,
26 cu Abimɛlɛk wee, "Kuecä nɛy tɔ ci nɛmɛ
la̲tɔ, 'keni jɛ met la̲r ɤ̈ä a ¨ka̲n ɛ met liŋ.
Kuaa jɛn lieŋdä kɛ jɛ walɛ." 27 Cu Abɛraam
det kɛnɛ thääk coo ka̲n, cuɛ kɛ ka̲m Abimɛlɛk.
Cu nɛy da̲ŋ rew tɔtɔ guok coo la̲t. 28 Cu
Abɛraam dɛy rɔɔmni ti ŋut da̲ŋ bärɔw kuany
go̲lä. 29 Cu Abimɛlɛk Abɛraam thiec, "Dɛy
rɔɔmni da̲ŋ bärɔw ti ŋut titi bi ji̲n kɛ
ka̲n tetkädä kɛ ɤöö bi ji̲n a neendä i jiw ɛmɛ
tɛtɛ ɤän. 31 Kɛ kui̲c ɛmɔ cuaa gua̲a̲th ɛmɔ
coo cɔl i Birciiba kɛ ɤöö kɛn da̲ŋ rɛw cikɛ
ro yac. 32 Cukɛɛ guo̲k coo la̲t inɔ kä
Birciiba. Täämɛ Abimɛlɛk kɛnɛ Picɔl, kuäär
rɛ̈mdɛ, cukɛ ro jiɛc cukɛ loc muun Pilithtin.
33 Cu Abɛraam jiath mi cɔal i tɛ̈mɛrith pith
kä Birciiba. Cuɛ ciöt Kuɔthdɛ ni Jaopa mi
do̲t raar kuaa cɔɔlɛ thi̲n. 34 Kä cu
Abɛraam wä cieŋ muun Pilithtin kɛ ni̲n ti nyin
ŋuan.
(Page 71)
| Nuer Field Project | Nouns | Verbs | Verb Book | Expressions | Grammar | Genesis | Others |