Nuer Field Project

Nouns Verbs Verb Book Expressions Pedagogical Grammar of Nuer Translation of Genesis in Nuer Others

Bible Translation

Cio̲o̲k 16

1 Kä ciek Abram ni Thɛyray thilɛ jɛ gaat
ti cɛ dieth. Tëë kɛ nya la̲t mi la nya ji
Ijipt mi cɔal ciötdɛ i Hɛygar. 2 Cu
Thɛyray Abram jiök, "Liŋ ɛ, täämɛ Jaopa cɛ
ɤä pën dieth gan, wër kä dnya la̲tdä, dɔ̲ɔ̲ bä
gat jek kɛ jɛ." Ci Abram jɔw Thɛyray liŋ.
3 Kuaa mëë cɛ ku cieŋ muun Kɛynɛn kɛ run
wäl cu Thɛyray, ciek Abram, nya la̲tdɛ ni Hɛygar
ka̲n, nya ji Ijipt, cuɛ jɛ ka̲m cɔwdɛ ni Abram
a la ciekdɛ. 4 Kä cuɛ niɛɛn kɛɛ Hɛygar,
cuɛ ruët. Mëë cɛ jɛ ŋa̲c i ruetɛ, cu lɔcdɛ
thiɔ̲ɔ̲l kɛ kuäärɛ ni Thɛyray.

(Page 49)

5 Cu Thɛyray Abram jiök, "Bi mi jiääk mi caa
lät kä ɤä a wi̲cdu. Cä nya la̲tdä kuëŋ baapdu,
kä mëë cɛɛ ŋa̲c i ruetɛ cu lɔcdɛ thiɔ̲ɔ̲l kɛ
ɤä. Bi Jaopa kɛmdan luk kɔn ji." 6 Kä cu
Abram Thɛyray jiök, "Nɛn ɛ, nya la̲tdu tëë
tetädu, lätni jɛ kä mi go̲o̲ri." Kä cu
Thɛyray jɛ coo ciɛŋ a bum, kä cuɛ rɔ kual.
7 Cu jääk Jaopa jɛ jek gekä puɔ̲ɔl mi te
gekä duɔ̲p mi wä kä Cur. 8 Cuɛ wee, "Hɛygar,
ji̲n nya la̲t Thɛyray, bii winith? Kä wii ni
kä?" Cuɛ wee, 'Ɣän kualäni rɔɔdä kɛ kuäärä
ni Thɛyray." 9 Kä cu jääk Jaopa jɛ jiök,
"Locni kä kuääru, kämni jɛ lɔcdu." 10 Cu
jääk Jaopa jɛ lɛ ni jiök bä, "Ɣän bä kuayku
jak kä ŋuan a 'caa kɛ bi luäŋ kɛ kuën kɛ ɤöö
bikɛ ŋuan ɛlo̲ŋ." 11 Kä cu jääk Jaopa jɛ
jiök, "Nɛn ɛ, gat a jiidu bi dap kɛ gat mi
dho̲o̲l, kä bi ciötdɛ cɔl i Icmɛyɛl kɛ ɤöö ci
Jaopa bɛc bɛcdu ka̲m tiit. 12 Bɛ cet kɛɛ
muul dɔaar rɛy nath kä nɛy diaal bikɛ gɛɛm
kɛ jɛ, kä jɛn bɛ gɛɛm kɛ nɛy diaal, mäni
watkɛ cɛ bi cieŋ kɛɛl kɛ kɛ.

(Page 50)

13 Cuɛ ciöt Jaopa mi ci ruac kɛ jɛ coo
cɔl, i E ji̲n Kuoth mi neen, kä cɛɛ lar,
"Cä Kuoth nɛn ɛ thuɔ̲k?" kä dëë lɛ ŋot kɛ
tëk mi cä Jɛ nɛn?" 14 Kɛ kui̲c ɛmɔ cuaa
(unclear) jiw ɛmɔ cɔl i Bi-ri-la-hay-rɔy. Tëë kam
Kɛydɛc kɛnɛɛ Bɛrɛt.
15 Kä cu Hɛygar Abram diëth gat mi dho̲o̲l,
cu Abram gatdɛ mɔ dieethɛ kɛɛ Hɛygar ɔ cɔl
i Icmɛyɛl. 16 Abram runkɛ jɛn bädäk wi̲cdɛ
bäkɛl mëë dap Hɛygar kɛ gat ëë dieethɛ kɛɛ
Abram ni Icmɛyɛl.

Nuer Field Project Nouns Verbs Verb Book Expressions Grammar Genesis Others