Nuer Field Project

Nouns Verbs Verb Book Expressions Pedagogical Grammar of Nuer Translation of Genesis in Nuer Others

Bible Translation

Cio̲o̲k 50

1 Täämɛ Jothɛp cuɛ rɔɔdɛ kuak puɔ̲ɔ̲ny gua̲n,
ro̲lɛ jɛ, kä cuɛ jɛ ciɛm. 2 Kä cu Jothɛp
la̲a̲tkɛ tin la ki̲mni la̲r ɤöö bikɛ puɔ̲ny gua̲n
rial ikä kɛ kui̲c kunykädɛ, kä cu ki̲mni puɔ̲ny
Ithɛrɛl coo rial ikä. 3 La̲t ɛmɔ go̲o̲rɛ
ni̲ni ti jɛn ŋuaan. Go̲o̲rɛ ni̲n ti ŋuan inɔ kɛ
rial ikä la̲t ɛmɔ. Cu ji Ijipt pa̲r kɛ ni̲n ti
jɛn bärɔw.
4 Mëë ci ni̲n pärä tëë pärkɛ Jɛykɔp ku thuuk,
cu Jothɛp ji gɔaal Përow jiök, i "Täämɛ yɛn,
mi nhɔk yɛn ɤä, ŋɔalɛ wä kä Përow bi yɛn ɛ
wä la̲r ruac ɛmɛ kɛ kui̲cdä. 5 Wɛ̈ɛ̈, jiökɛ
jɛ, i ci gua̲a̲r ɤä jak kä yaacä rɔɔdä, cuɛ wee,
Ɣän cä thia̲k kɛ lia̲a̲, kuɔnyɛ ɤä kɔ̲kä pa̲a̲mdä
mëë tëtä rɔɔdä muun Kɛynɛn. Kɛ kui̲c ɛmɔ
täämɛ ŋɔali ɤä jak kä wä kɛ ɤöö bä gua̲a̲r
wä kony, bä ku lɛ wä luny jɔk." 6 Kä cu
Përow ɛ jiök, i "Wër, kony guur cet ni kɛ
ruac ëë jakɛ ji, kä guooki ni rɔ." Cu Jothɛp
coo jiɛɛn, wëë gua̲n kony, kä cuɛ wä kɛɛl kɛ
ji la̲t Përow kɛ di̲t gɔaalɛ a mäni di̲at Ijipt,

(Page 203)

8 kɛ ji gɔaal Jothɛp diaal a mäni dämani
kɛnɛ ji gɔaal gua̲n. Cu duɔth ni gaatkiɛn
kä rɔ kɛ detkiɛn, kɛ ɤɔ̲ɔ̲kiɛn muun Gocɛn.
9 Cukɛ wä kɛ thurbiɛɛli tin la yɔ̲a̲ckɛ ɛ
rɔtha̲ni, kɛnɛ ji rɔtha̲ni. Cukɛ a buɔ̲n mi
di̲i̲t. 10 Mëë cikɛ cop gua̲a̲ kɔ̲mkä bɛɛl kä
Atat, kui̲c Jɔrdɛn, cukɛ pa̲r thi̲n kɛ pa̲r mi
di̲i̲t mi bɛc bɛc. Kä cuɛ gua̲n par kɛ ni̲n
da̲ŋ bärɔw. 11 Mëë ci ji muɔ̲ɔ̲n ɛmɔ tëë la ji
Kɛynɛn pa̲r ɛmɔ nɛn gua̲a̲ kɔ̲mkä bɛɛl kä Atat,
cukɛ wee, Nɛmɛ ɛ pa̲r jiathkä lɔaac mi jiääk
kä ji Ijipt titi. Kɛ kui̲c ɛmɔ cuaa gua̲a̲th
ɛmɔ cɔl i Abɛl-midhɛrayi̲m. Tëë kui̲c Jɔrdɛn.
12 Cu gaatkɛ jɛ coo lät kä mi cet kɛ mi cɛ
la̲r kɛ. 13 Kɛ ɤöö ci gaatkɛ jɛ kap muun
Kɛynɛn, kä cukɛ jɛ kony kɔ̲kä pa̲a̲m in te rɛy
kakä Mɛ̈kpi̲i̲lä min te kä kony ca̲ŋ kä Mɛ̈mɛrɛy.
Mëë kɔk Abɛraam ɛ kɛɛl kɛ kak kä Epɛrɔn raan
Hitayt kɛ ɤöö baa gua̲a̲ kunykädiɛn. 14
kɔr gua̲a̲th ëë cɛ gua̲n ku kony cu Jothɛp luny
kä Ijipt kɛɛl kɛnɛ gaat man i mäni nɛy diaal
kɔkiɛn tëë ci wä kɛ jɛ kɛɛl gua̲th kunykä.

(Page 204)

15 Kä mëë ci gaat man Jothɛp ɛ ku ŋa̲c i ci
gua̲ndiɛn li̲w cu kɛn ɛ lar, "Dɔ̲ŋ Jothɛp
bɛ rɔɔdɛ luɔ̲c kɔn a bɛɛ nyinkɛ tëë canɛ lät
kä jɛ col. 16 Kä kɛn cukɛ Jothɛp no̲p, cukɛ
jɛ jiök, i "Mëëdan ni mëë 'ken gua̲ndan ni
li̲w cɛ kɔ guɔ̲k ruac inɛ: 17 I, bi yɛn
Jothɛp jiök, i E gua̲ndan i täämɛ ŋɔali lɔcdu
pa̲l piny kɛ dueer gan muɔɔr kɛnɛ jiäkiɛn kɛ
ɤöö cikɛ ji lät kä mi jiääk. Täämɛ la̲ŋkɔ
ni ji, ŋɔali lɔcdu pa̲l piny kɛ dueer ja̲a̲ni
Kuɔth guur." Cu Jothɛp röt mëë cikɛ ruac
kɛ jɛ inɔ. 18 Cu gaat man ben bä, kä cukɛ
rɔ yuɔr piny nhiamdɛ, cukɛ wee, "Nɛn ɛ, kɔn
lapkɔ ja̲a̲ŋku." 19 Kä cu Jothɛp kɛ jiök,
" 'Cuayɛ dual. E yɛn i cä gua̲a̲ Kuɔth guäl?
E jɛn ɤän la Kuothɔ? 20 Kɛ kui̲cdun la̲t ëë
ci yɛnɛlät kä ɤä ɛ mi jiääk, kä Kuoth cɛ jɛ
luɔt kä mi gɔaa kɛ ɤöö bi nɛy ti nyin ŋuan
tëk cet kɛ tëk ɛ te kɛ kɛ walɛmɛ. 21
kui̲c ɛmɔ 'cuayɛ dual, bä yɛ yop mäni nyin
tiɛnikun."

(Page 205)

22 Cu Jothɛp ku cieŋ kä Ijipt kɛɛl kɛ ji
gɔal gua̲n. Run teekä Jothɛp kɛ kuɔ̲r kɛl
wi̲cdɛ jiath kɛl. 23 Kä cu Jothɛp gaat
Ipɛri̲m nɛn kɛ diɔ̲ɔ̲k ri̲cni a mäni gaat Macir
gat Manɛ̈thä, cuaa kɛ dap buɔ̲ɔ̲r Jothɛp. 24
Kä cu Jothɛp gaat man jiök, "Ɣän cä thia̲k
kɛ lia̲a̲, kä Kuoth bɛ y ɛ ben gui̲l, kä bɛ yɛ
nööŋ raar muun ɛmɛ, bɛ yɛ naaŋ muun ëë cɛ
ya̲c Abɛraam kɛnɛ Aydhɛk kɛ Jɛykɔp. 25
Täämɛ Jothɛp cuɛ gaat Ithɛrɛl jak kä yackɛ
ro, cukɛ wee, "Kuoth bɛ yɛ ben gui̲l, kä bi
yɛn cɔ̲wkä naŋ raar wanɛmɛ. 26 Cu Jothɛp
coo li̲w a runkɛ kuɔ̲r wi̲cdɛ jiath kɛl, kä
cukɛ puɔ̲nydɛ rial ikä, kä cuaa jɛ diɛl rɛy
tha̲ndukä kunykädɛ kä Ijipt.

(Page 206)

Nuer Field Project Nouns Verbs Verb Book Expressions Grammar Genesis Others