Nuer Field Project

Nouns Verbs Verb Book Expressions Pedagogical Grammar of Nuer Translation of Genesis in Nuer Others

Bible Translation

Cio̲o̲k 44

1 Täämɛ cuɛ raan la̲t duëëlɛ jiök, "Thiäŋ
cuali wutni titi kɛ bɛl kɛ pek mi bi kɛn ɛ
luäŋ kɛ ka̲p, kä kueŋni yio̲w raamɔ thok
cuaalädɛ. 2 Kä kueŋni yio̲m pi̲i̲nidä min la
kubay thilbɛrä thok cuaalä gaar in tɔtdiɛn
kɛɛl kɛ yio̲w bɛɛlkɛ." Kä cuɛ lät cet kɛ mi
ci Jothɛp ɛ la̲r jɛ. 3 Mëë ci ɤɔw baak kɛ runwaŋ
cu wutni tɔtɔ tɛth piny kɛ muɔ̲likiɛn.
4 Mëë cikɛ wec bäny kä mi tɔt cu Jothɛp raan
la̲tdɛ jiök, "Yuth rɔ guuri wutni tɔtɔ. Mi
wii kɛ cop, jio̲k ni kɛ, i E ŋu ciaa mi gɔaa
lɛ loc kɛ mi jiääkɔ? E ŋu mi kual yɛn ɛ ni
kubay ma̲th thilbɛrä mi gɔaa? 5 'Ci ɛ jɛn
in lap kuäärä a mäth kɛ jɛ ɛn nɛmɛ, kä ɛ jɛn
in laa tui̲th kɛ jɛ. Ciaa duer la̲t kɛ la̲t
kä nɛmɛ."
6 Mëë cɛ kɛ cop cuɛ kɛ la̲t kɛn rieet titi.
7 Cukɛ jɛ jiök, "E ŋu mi lat kuäära laat ti
cet kɛ kɛn titi inɛɛnɛ? Na̲nɛ kä ja̲a̲ŋkuu ɛn
ɤöö dëëkɔ mi ciee nɛmɛ la̲t. 8 Nɛn ɛ, cuakɔ
yio̲w tëë cakɔ jek thukni cuaalikɔ wä luɔ̲ɔ̲c
jɔk ni muun Kɛynɛn,

(Page 176)

9 Ramɔ bɛ jɔɔc kä jɛ mɔ kä kɔn ja̲a̲ŋku a jɛ
li̲w, kä kɔn bakɔ cuaa ja̲a̲ŋ kua̲ra ti pɛ̈ɛ̈c.
10 Kä cuɛ kɛ jiök, "A jɛ kuaa la̲t cet ni
kɛ pek mi ci yɛn ɛ pay lar ɛn ɤöö ram mi waa
jɛ jek kä jɛ baa jɛn bi a ja̲ŋdä mɔ, 'caa
duɔthkun bi lɛ bɛl." 11 En guäth ɛmɔ cu
ramɔ cualɛ coo ka̲p piny kɛ pɛ̈th, kä cu ramɔ
cualɛ lɛp. 12 Cuɛ kɛ ku go̲r, cuɛ tok ni
kɛɛ cual gaar in di̲t ni jɛn min la kɛ̲̈ɛ̲̈ cu
mäni gar in tɔt in la pëëk. Cuɛ kubay ma̲th
wä jek thok cuaalä Benjamin in la pëëk. 13
Täämɛ cukɛ bieeynikiɛn rɛ̈t, kä cu ramɔ nyinkɛ
nyɔk kɛ yiɛn jɔɔ muɔ̲l, cukɛ luny wi̲c.
14 Mëë ci Judä kɛnɛ dämani cop dueel Jothɛp
cukɛ jɛ jek thi̲n, kä cukɛ ro yuɔr piny
nhaimdɛ. 15 Cu Jothɛp kɛ jiök, i "E duɔ̲ɔ̲r
ŋukä ci yɛn ɛ la̲tɛ? Kui̲c yɛn ɛ i ram mi cet
kɛ ɤä deyɛ tueeth pa̲ny?" 16 Kä cu Judä
Jothɛp jiök, i "Kä täämɛ kuäär, kɔn bakɔ ji
ku lɛ jiök i di? Bakɔ ku lɛ lar ni ŋu, ji̲n
kuäärä? Kä kɔn bakɔ ro ku lɛ la̲t ji i di?
Kuoth cɛ duera kɔn ja̲a̲ŋku jek.

(Page 177)

Nɛn ɛ, kɔn bakɔ kuaa ja̲a̲ŋ kua̲ra kɔn diaal a
mäni jɛn ram min caa kubay ɛmɛ jek tetkädɛ."
17 Kä cuɛ jɛ loc, "Nɔmɔ na̲nɛ kɛ ɤä ɛn ɤöö
dëë la̲t inɔ, ɛ ni ɛɛn ram min caa kubay jɛk
tetkädɛ ɛn ɔ biaa ja̲ŋdä mɔ. Kä duɔthkun a
kɛ ku wä kɛ mal kä guurun."
18 Täämɛ cu Judä rɔɔdɛ tiec nhiam Jothɛp,
cuɛ jɛ jiök, "Aɤ kuäärä, täämɛ ŋɔali ɤän
ja̲ŋdu jak kä ruac kɛ ji, kä a lɔcdu 'cɛ waŋ
kɛ ɤä, ɤän ja̲ŋdu, kɛ ɤöö ji̲n lapi kuäär mi
cet kɛ Përow puɔ̲nydɛ. 19 Kä mëëdan, kuäär,
cu ji̲n ja̲a̲ŋku thiec, i Te yɛn kɛ guurun, kä
te yɛn kɛ dämuɔɔrun? 20 Kä cu nɛy ɛ la̲r ji,
kuäärä, i te nɛy kɛ gua̲nda mi dɔaŋ, kɛ dämanda
mi tɔt, gat dɔŋädɛ. Kä ci däman li̲w a ci
duɔth ni jɛn kä rɔaadɛ kä mandiɛn. Kä nhɔk
gua̲n ɛ ɛlo̲ŋ. 21 Kä cu ji̲n ja̲a̲ŋku jiök, i
"Nöŋɛ jɛ ɤä wanɛmɛ kɛ ɤöö bä jɛ ben nɛn kɛ
waŋdä." 22 Kä cuɔkɔ ji jiök, "Ji̲n kuäär,
ci dho̲o̲l ɛmɔ gua̲n bi ba̲ny piny a bɛ ben
wanɛmɛ kɛ ɤöö mi deyɛ gua̲n ba̲ny piny dee
gua̲n li̲w. 23 Kä cu ji̲n kɔn ja̲a̲ŋku jiök, i

(Page 178)

Kä mi 'ci yɛn dämuɔɔrun in tɔt bi nööŋ
wanɛmɛ 'ciaa nhiamdä bi met nɛn a mäni cäŋ
kɛl. 24 Kä mëë cakɔ loc jɔk kä gua̲a̲ra min
la ja̲ŋdu cu nɛy ɛ la̲r ruacdu, ji̲n kuäär. 25
Mëë ci gua̲a̲ra kɔ nyɔk kɛ jiök, i Yɛn luɔcɛ
jɔk kɛ ɤöö bi yɛn kɔn wä nyɔk kɛ ko̲k bɛl ti
tɔt, 26 Cuaakɔ wee, 'Cakɔ bi wä. Mi bi
dämanda min tɔtdiɛn wä kɛ kɔ kɛɛl bakɔ wä
kɛ ɤöö 'cakɔ nhiam wutkä nɔmɔ bi nɛn ɛ ni mi
wa̲kɔ kɛ dämandä min tɔt kɛɛl. 27 Täämɛ
ja̲ŋdu min la gua̲nda cɛ kɔ jiök, "Ŋäc yɛn ɛ
i ciekdä cɛ ɤä diëth gaat da̲ŋ rɛw. 28 Ci
kɛl ɤä ba̲ny piny, kä cuaa wee, thilɛ di̲w ci
ley ɛ nyäk, kä ɛn guäth ɛmɔ 'ken waŋdä jɛ
nyɔk kɛ nën. 29 Mi biaa gat lɛ ni ka̲n bä
kä ɤä, kä bi riɛk ɛ lɛ wä jek, biaa nöŋ ni
ɤä low nhiemni kɛ jiath lɔaac mi dhilä ni
jɔɔni mi cɔal i Ciɔl. 30 Kɛ kui̲c ɛmɔ
täämɛ mi waa ja̲ŋdu min la gua̲a̲r cop, kä
thilɛ dho̲o̲l ɛmɔ kɛ ɤä kɛɛl, cet kɛ min ci
tëkdɛ rɔ yiɛn kɛɛl kɛ tëk dhöl ɛmɔ,

(Page 179)

31 mi wëë jɛ nɛn i 'ci dho̲o̲l ɛmɔ te kɛɛl
kɛ kɔ bɛ li̲w. Kä bi kɔn ja̲a̲ŋku coo nööŋ ni
low miemni jäŋädu min la gua̲a̲ra kɛ jiath
lɔaac mi bi jɛ dhiɛl ni jɔɔni mi cɔal i
Ciɔl. 32 Kɛ kui̲c kä ɤöö ɤän ja̲ŋdu ca jɛ
guok nhiam gua̲a̲r kɛ kui̲c dhöl ɛmɔ, cä wee,
Mi wëë tey 'cä jɛ luc ji, bi bɛ̈lɛ a wi̲cdä
nhiam gua̲a̲r kɛ pek teekädä kɛɛliw. 33 Kɛ
kui̲c ɛmɔ täämɛ, ŋɔalni ɤän ja̲ŋdu jak kä
doth a la pɛ̈cdu kɛ gua̲a̲ dhöl ɛmɔ, kä bi
dho̲o̲l jak kä wä kɛ dämani kɛɛl. 34 Kɛ
kui̲c kä ɤöö ɤän dëë loc kä gua̲a̲r i di mi 'ci
dho̲o̲l ɛmɔ wä kɛɛl kɛ ɤä? Ɣän lökä mɔ jiääkɔ
dee ben kä gua̲a̲r nëndɛ."

(Page 180)

Nuer Field Project Nouns Verbs Verb Book Expressions Grammar Genesis Others