Nuer Field Project

Nouns Verbs Verb Book Expressions Pedagogical Grammar of Nuer Translation of Genesis in Nuer Others

Bible Translation

Cio̲o̲k 41

1 Kɛ kɔr runi da̲ŋ rɛw cu Përow la̲k läk ikä.
Tëë cuŋä wi̲c yiëër kä Nayɔl. 2 Nɛ̈nɛ jɛ, cu
ɤɔ̲k da̲ŋ bärɔw ti cuath cuaath ti puath puaath
ben raar kä Nayɔl, cukɛ laak kɛ wal thok
waath. 3 Kä nɛ̈nɛ jɛ, cu ɤɔ̲k da̲ŋ bärɔw
kɔkiɛn ti nua̲n nua̲a̲n ti liaat lɛ ni ben
raar yieer kɔɔr ɤɔ̲ɔ̲k titi, cukɛ wä cuɔ̲ŋ
kutdiɛn wii yiëër Nayɔl. 4 Kä cu kɛn ɤɔ̲k
tɔ liaat tɔ nua̲a̲n nua̲a̲n tɔtɔ ɤɔ̲k tin cuath
cuaath tin puath puaath tinkɔn cam, kä cu
Përow coo keer ni̲n." 5 Cuɛ rɔɔdɛ lɛ ni
nyɔk kɛ loc ni̲n, cuɛ la̲k lɛ läk ikä kɛ
rɛwdɛ. Kä nɛ̈nɛ jɛ, cuɛ rɔ̲a̲a̲th manytapni
da̲ŋ bärɔw ti dhök dhöök ti gɔw ti ci̲l
puɔ̲ɔ̲ny taŋ kɛl nɛn. 6 Kä nɛ̈nɛ jɛ, cu
rɔ̲a̲a̲th da̲ŋ bärɔw kɔkiɛn ti ciɛw ciɛɛw ti
jiäk ti caa yia̲r ɛ jiɔm in la bëë kä käny
ca̲ŋ lɛ ni ben kɔɔriɛn.

(Page 158)

7 Kä cu kɛn rɔ̲a̲a̲th da̲ŋ bärɔw tɔ ciɛw ciɛɛw
tɔtɔ rɔ̲a̲a̲th da̲ŋ bärɔw tin cuath cuaath
tinkɔn cam. Kä cu Përow coo kɛɛr ni̲n, cuɛ
coo ŋa̲c ɛn ɤöö ɛ la̲k. 8 Mëë ci ɤɔw baak kɛ
runwaŋ cu Përow coo diɛɛr ɛlo̲ŋ kɛ kui̲c
läkädɛ nɔmɔ, kä cuɛ raan ja̲k kɛ ɤöö baa wä
ciöl ti̲t wal wecdɛ ni Ijipt a mäni nɛy tin
pɛ̈l pɛ̈ɛ̈l tin te thi̲n bä. Ci Përow kɛ la̲r
la̲kdɛ, kä thilɛ ram mi cu luɔtdɛ la̲r jɛ kä kɛ.
9 Kä cu deeth mi̲thni min di̲i̲t Përow jiök,
"Ɣän cä duerä tim walɛ. 10 Kɛ ɤöö mëë cɛ
Përow lɔcdɛ waŋ kɛ la̲a̲tkɛ, kä cuɛ ɤä la̲th
dueel kua̲r rɛ̈m mi këŋ, ɤän kɔnɛ thäät jurayni
min di̲i̲t, 11 kɔn da̲ŋ rɛw diaal cuakɔ la̲a̲k
läk ikä ni kɛ ɛn wäärɛ kɛlɔ. Te ramɔ kɛ
la̲kdɛ kɛɛ luɔtdɛ go̲lä. 12 tëë kɛ ŋuɛ̈t
Hi̲i̲bɛru mi te kɛ kɔ kɛɛl, mi la läät kua̲r
rɛ̈m mi këŋ. Mëë cakɔ jɛ la̲r la̲a̲kɔ cuɛ la̲a̲kɔ
luɔtdiɛn la̲r kɔ, lätɛ ramɔ luɔt läkädɛ. 13
Luɔc ëë cɛ luɔ̲c kɔ cuɛ cop cet mëë cɛ luɔ̲c
kɔ. Cuaa luɔ̲ɔ̲c gua̲a̲ la̲tdä, kä cuaa thäät
jurayni ŋap."

(Page 159)

14 Kä ɛn guäth ɛmɔ cu Përow Jothɛp coo jäk kä
raan, cuɔ wä ciöl, jɛ. Cuɔ Jothɛp ŋɔal wä
ka̲m raar dueel yieenkä kɛ pɛ̈th, kä cu Jothɛp
nhiɛm tiekdɛ kɛnɛ wi̲cdɛ dap wä mut, kä cuɛ
bieeyni ti jiäk tin te puɔ̲ɔ̲nydɛ gɛr kɛ
bieeynikɛ tin gɔw. Cuɛ ku wä nhiam kua̲r ni
Përow. 15 Cu Përow Jothɛp jiök, i "Ɣän cä
la̲k läk ikä, kä thilɛ ram mi nyuth ɤä luɔtdɛ,
kä ɤän cä liŋ i la ji̲n luɔt läkä a lär raan mɔ
caa la̲r ji mɔ." 16 Cu Jothɛp ɛ luɔ̲c Përow,
i "'Ci ɛ ɤän bi luɔtdɛ la̲r ji mɔ, ɛ Kuoth
bi ji ka̲m luɔc mi gɔaaɔ." 17 Täämɛ cu
Përow Jothɛp jiök, "Nɛn ɛ, la̲kdä, ɤän cä
cuɔ̲ŋ po̲mä yiëër kä Nayɔl. 18 Kä cu ɤɔ̲k
da̲ŋ bärɔw ti cuath cuaath ti puath puaath
ben raar yieer kä Nayɔl, cukɛ laak kɛ wal
waaŋ po̲mä. 19 Kä cu ɤɔ̲k da̲ŋ bärɔw kɔkiɛn
ti liaat ti nua̲n nua̲a̲n ti ciɛw ciɛɛw ti ka̲n
met nɛn muun Ijipt ɛmɛ ben kɔɔriɛn. 20 Kä
cu ɤɔ̲k tin nua̲n nua̲a̲n tin ciɛw ciɛɛw tinkɔn
tin cuath cuaath tin nhiam tin be kɔɔr cam.

(Page 160)

21 Kä mëë ci kɛn kɛ cam thilɛ ram mi cu jɛ
ŋa̲c i ci kɛn kɛ cam kɛ ɤöö cukɛ ŋot ni kɛ
nua̲n cet ni kɛ ta̲a̲ in wen. Cuɛ cua jɛn
kërä. 22 Cuaa rɔ̲a̲a̲th manytapni da̲ŋ bärɔw
nɛn bä, do̲nykɛ puɔ̲ɔ̲ny taŋ kɛl ti dhök dhöök
ti gɔw. 23 Kä cu rɔ̲a̲a̲th da̲ŋ bärɔw ti thɔatni
ti ciɛw ciɛɛw ti caa yia̲r ɛ jiɔm känykä ca̲ŋ
piɛɛr kɛ kɔriɛn. 24 Kä cu rɔ̲a̲a̲th tin ciɛw
ciɛɛw rɔ̲a̲a̲th da̲ŋ bärɔw tin gɔw bät. Cuaa jɛ
la̲r ti̲t wal, kä thilɛ ram mi ci jɛ luɔ̲k ɤä."
25 Täämɛ Jothɛp cuɛ Përow jiök, i "La̲k
Përow ɛ kɛl. Kuoth cɛ Përow nyuɔ̲th ni mi
bɛ la̲t. 26 Ɣɔ̲k da̲ŋ bärɔw ti gɔw kɛ kɛn run
da̲ŋ bärɔw, kä rɔa̲a̲th da̲ŋ bärɔw ti gɔw kɛ kɛn
run da̲ŋ bärɔw ti gɔw. La̲k ɛmɔ ɛ kɛl. 27
Kä ɤɔ̲k da̲ŋ bärɔw ti liaat ti nua̲n nua̲a̲n ti
ci ben kɔɔriɛn kɛ run bärɔw kɛnɛ rɔ̲a̲a̲th da̲ŋ
bärɔw ti thɔat ti jiäk ti ci jiɔm känykä
ca̲ŋ kɛ nyon bä kɛ kɛn run däŋ bärɔw ti bi
buɔth te wanɔ. 28 Cu Kuoth Përow la̲r mi bɛ
la̲t cet kɛ mi cä luɔ̲k ɛ. 29 Bɛ te kɛ run
da̲ŋ bärɔw ti bi ria̲ŋ mi di̲i̲t te wanɔ muun
Ijipt kɛɛliw.

(Page 161)

30 Kä kɛ kɔriɛn bɛ lɛ ni te kɛ run buath
da̲ŋ bärɔw kɔkiɛn a bi run riäŋä da̲ŋ bärɔw
tëëkɔn lɛ ni ruëëc wii nath muun Ijipt kɛɛliw,
kä bi buɔth piny däk. 31 Baa ria̲ŋ kui̲c
muun ɛmɔ kɛ buɔth ɛ bi benɔ kɛ ɤöö bɛ bɛ̈c
ɛlo̲ŋ. 32 Kä la̲k Përow mi ci rɔ rɛk inɔ
cäpɛ Kuoth ɛn ɤöö bɛ tey inɔ, kä bi Kuoth ɛ
jak kä cup ni kɛ gua̲a̲th mi tɔt. 33 Kɛ kui̲c
ɛmɔ a kuäär ni Përow mɛɛk ram mi puɔth thok mi
pɛl pɛl mi bɛ jak kä kuäär mi guic ŋɔaani
diaal muun Ijipt kɛɛliw. 34 A Përow ku jɛ
tok kɛ mi kuanyɛ nɛy ti baa la̲t ɛmɔ guic, kä
bikɛ dhieec diënyni bɛɛl a ka̲nkɛ kɛ kɛn run
ria̲ŋä da̲ŋ bärɔw tin te kɛ bɛl wanɔ. 35 A
kɛ duɔl kɛ mi̲th diaal nyin runi da̲ŋ bärɔw ti
gɔw ti bëë ti. A bɛl tɔ̲a̲wkɛ kɛ ciöt Përow kɛ
kui̲c mieth rɛy wi̲i̲ni, nɛ̈nɛ kɛ mi ci kɛn kɛ
tɔ̲w. 36 Mi̲th tɔtɔ baa kɛ ku lɛ guic ni
run buath da̲ŋ bärɔw tɔ bëë tɔ muun Ijipt kɛ
ɤöö 'ci mun bi da̲k kɛɛ buɔth."
37 Ca̲p ɛmɛ cu Përow ɛ jek i gɔaaɛ kɛnɛ
la̲a̲tkɛ diaal.

Page 162

38 Cu Përow la̲a̲tkɛ jiök, "Dënɛ ram mi cet
kɛ ram ɛmɛ jek, ram mɛ te ni Yiëë Kuɔth
rɛydɛ mɛ?" 39 Cu Përow Jothɛp coo jiök,
"Cet ni kɛ nyuɔ̲th in ci Kuoth i nyuɔ̲th nɛmɛ
kɛɛliw, thil raan mi puɔth thok mi pɛl pɛl
mi cet kɛ ji. 40 Bi gɔlä ruac, kä nɛɛkä
diaal bikɛ liŋ ni mɔ ci larɔ, bi ŋic ni
gua̲a̲ kɔaam kuäärädä kä rɔa, bi ku lɛ di̲t ni
ɤän kä ji." 41 Kä cu Përow Jothɛp ku jiök,
i "nɛn ɛ, täämɛ ɤän cä ji jak kä kuäär muun
Ijipt ɛmɛ kɛɛliw." 42 Täämɛ cu Përow ciɛk
mi la nyuuth thuɔkdɛ ka̲n yiɛtkädɛ, cuɛ jɛ
la̲th yiɛtkä Jothɛp, cuɛ kuer bi̲i̲y mi la̲m ɛ,
kä cuɛ ŋuäkdɛ moc kuat mi däp däp mi gääy
naath. 43 Cuɛ jɛ jak kä ko̲t rɛy thurbiɛɛlɛ
min rɛwdɛ, kä cukɛ köök nhiamdɛ, "Yiathɛ
mua̲a̲lkun piny!" Cɛ jɛ jak kä ruaac ɛ mun
Ijipt kɛɛliw inɔ. 44 Kä dɔdiɛn cu Përow
Jothɛp jiök, "Thilɛ ram bi tetdɛ kɛnɛ cio̲o̲dɛ
wee tɛl muun Ijipt ɛmɛ kɛɛliw mi 'ci ruacdu
te thi̲n. E jɛn ruacdä ɤän Përow." 45 Kä
cu Përow Jothɛp cɔl i Dhapɛnath-paniyä,

(Page 163)

kä cuɛ jɛ ka̲m ciek mi bɛ kuɛn ɛ mi cɔal i
Athɛnath nya Patipɛrä mi la gua̲n ŋuɔtni
ro̲o̲l On. Cu Jothɛp coo wär rɛy ro̲o̲l Ijipt.
46 Jothɛp runkɛ jɛn diɔ̲k mëë tookɛ la̲t kɛ
Përow kuäär Ijipt in di̲i̲t. Cu Jothɛp jiɛɛn
nhiam Plerow, cuɛ wä rɛy rööl Ijipt kɛɛliw.
47 Kä cu bɛl ti nyin ŋuan ciɛk ɛlo̲ŋ kɛ kɛn
run riäŋä da̲ŋ bärɔw tɔtɔ. 48 Cuɛ mi̲th diaal
dol kɛ kɛn run da̲ŋ bärɔw tɔ te bɛl ti ŋuan
wanɔ tɔ rɛy rööl Ijipt kɛɛliw. Cuɛ mi̲th
tɔ̲a̲w rɛy wi̲i̲ni, laa bɛl a kä nɛ rɛy ka̲a̲ni,
bɛ kɛ tɔ̲w wi̲i̲ni. 49 Cu Jothɛp bɛl tɔ̲w a
ŋuan ti cet ni kɛ liɛt yiëër kɛɛliw, cu mäni
mëë cɛ ŋɔ̲a̲a̲ŋ a bɛ rɔ ka̲p cuɔ̲ŋ kɛ thëmdiɛn kɛ
ɤöö 'caa kɛ dee lɛ ni luäŋ kɛ thëm.
50 A ŋot ruɔ̲n buath 'kenɛ ni ben cu Jothɛp
te kɛ gaat da̲ŋ rɛw ti dieethɛ kɛɛ Athɛnath
nya Patipɛrä gua̲n ŋuɔtni ro̲o̲l On. 51 Cu
Jothɛp gatdɛ min kɛ̲̈ɛ̲̈ cɔl i Manɛ̈thä kɛ ɤöö
cɛɛ lar i ci Kuoth ɤä jak kä ruec wi̲cdä kɛ
riɛkdä a mäni gɔl gua̲a̲r kɛɛliw.

(Page 164)

52 Kä cuɛ gat in rɛwdɛ cɔl i Ipɛrim,
"kɛ kui̲c kä ɤöö cɛɛ lar i Kuoth cɛ ɤä jak kä
diëëthä rɔɔdä muun riknikä."
53 Cu run riäŋä da̲ŋ bärɔw tëë ci gua̲a̲th naŋ
muun Ijipt thuuk. 54 Kä cu run rɛthä da̲ŋ
bärɔw tuɔɔk. 54 Kä cu run rɛthä da̲ŋ
bärɔw tuɔɔk kɛ ben cet ni kɛ mëë ci Jothɛp ɛ
lar. Cu ɤɔw kɛɛliw te kɛ rɛ̈th mi di̲i̲t kä
Ijipt, kä Ijipt tëë kɛ bɛl. 55 Kä mëë ci
mun Ijipt kɛɛliw buɔth ɛ näk cu ji Ijipt
röt kɛ Përow kɛ kui̲c mieth. Cu Përow nɛy
diaal jiök, i "Wɛ̈ɛ̈ kä Jothɛp, la̲tɛ mɔ bɛ
la̲r yɛ mɔ." 56 Mëë ci buɔth piny ku thiäŋ
cu Jothɛp duël bɛɛl ku lɛp, cuɛ kɛ coo kök
ji Ijipt kɛ ɤöö ci buɔth bɛ̈c ɛlo̲ŋ rɛy rööl
Ijipt. 57 Dɔdiɛn cu ɤɔw kɛɛliw ben kä Jothɛ(unclear)
kä Ijipt, bikɛ bɛl ben kɔk kɛ ɤöö ci buɔth
bɛ̈c ɛlo̲ŋ piny kɛɛliw.

(Page 165)

Nuer Field Project Nouns Verbs Verb Book Expressions Grammar Genesis Others