Nuer Field Project

Nouns Verbs Verb Book Expressions Pedagogical Grammar of Nuer Translation of Genesis in Nuer Others

Bible Translation

Cio̲o̲k 31

1 Täämɛ cu Jɛykɔp ruac gan Lɛybɛn liŋ.
Laar kɛn ɛ i Jɛykɔp cɛ nyin gua̲nda diaal ka̲n,
kä cɛ ria̲ŋdɛ jek kä nyin gua̲nda. 2 Cu
Jɛykɔp ɛ ŋic ɛn ɤöö ci Lɛybɛn lɛ te kɛ nhök
kɛ jɛ cet kɛ ta̲a̲ ëë wen. 3 Täämɛ cu Jaopa
ku ruac kɛɛ Jɛykɔp, "Locni muun guuri kɛnɛ
watkun, kä Ɣän bä te kɛɛl kɛ ji." 4 Cu
Jɛykɔp ciekdɛ ni Rɛycɔl kɛnɛ ciekdɛ ni Li̲i̲yä
jäk kä raan kɛ ɤöö bikɛ ben kä jɛ gua̲a̲th ëë
tëëthi̲n dɔɔr rɛy deet. 5 Cuɛ mänkɛ jiök,

(Page 115)

"Täämɛ cä ku pay ŋa̲c ɛn ɤöö guurun 'cɛ ɤä
lɛ nhɔk cet kɛ ta̲a̲ ëë wenkä ëë cieŋ kɛ nɛy
kɔnɛ jɛ, kä ɤän ŋa̲cä jɛ ɛn ɤöö Kuoth gua̲a̲r
tëë kɛɛl kɛ ɤä. 6 Kɛ ɤöö mäni yɛn bä ci yɛn
ɛ ni ŋa̲c bä ɛn ɤöö cä nyin guurun la̲t kɛ
buɔ̲mdä kɛɛliw. 7 Kä guurun cuɛ ŋot kɛ mi
macɛ ɤä a laa ko̲kda a luɛlɛ ni kä wäl. Kä
'ken Kuoth ɛ nhök ɤöö bɛ puɔ̲nydä moc kɛ mi
bɛc. 8 Mi cɛ lar i bi ko̲kdu a det ti kuacni
kä ci buɔ̲n deet kɛɛliw ti kuacni dieth, kä
mi cɛ ni lar i bi ko̲kdu a ti riaali, kä ci
buɔ̲n deet kɛɛliw ti riaali dieth. 9 Ci Kuoth
ɤɔ̲k guurun coo ka̲n inɔ, kä cɛ kɛ ka̲m ɤä. 10
Mëë cɛ ku aa gua̲a̲th ëë liackɛ det, cua wi̲dä
kap nhial kɛ la̲k, kä cuaa nɛn ɛn ɤöö tut
bowni tin tuɔ̲tkɛ det, kɛ riaali kɛnɛ ti kuac
kɛ tut ti bootni. 11 Täämɛ cu jääk Kuɔth
nhial ben rɛy läkä mɔmɔ, cuɛ wee, "Jɛykɔp."
Cu Jɛykɔp wee, "Ɣän ɛn." 12 Cuɛ jɛ jiök,
"Nɛn tut bowni diaal tɔ tuɔ̲tkɛ det tɔ, kɛ
riaali kɛnɛ ti kuac, kɛ ti bootni kɛ ɤöö
cä ti diaal ti lät Lɛybɛn kɛ kä ji nɛn.

(Page 116)

13 E ɤän Kuoth Bɛthɛl gua̲a̲th ëë ci ji̲n päm
cuŋ thi̲n, kä cu ji̲n ɛ yi̲r kɛ kui̲cdä. Kä cu
ji̲n rɔ yac kɛ ɤä. Jiɛc rɔ, täämɛ, bër raar
muun ɛmɛ, locni rɔɔdu muun ëë diëth ji thi̲n."
14 Cu Rɛycɔl kɛnɛ Li̲i̲yä jɛ luɔ̲c ɛ, "Ta̲kɔ
kui̲c kɛnɛ ti caa ka̲m kɔ kä nyin duëël gua̲a̲ra?
15 'Cɛ kɔ a cɔɔlɛ i jur, täämɛ? kɛ ɤöö cɛ
kɔ kɔaak, kä cɛ lät kɛ yio̲o̲wkɔ tëë caa kɔk
kɔ. 16 Nyin gua̲a̲ra diaal tëë ci Kuoth kɛ
ka̲m raar tetkädɛ cikaa nyinkɔ mäni gaatkɔ.
Täämɛ mɔ wä Kuoth ɛ la̲r ji mɔ, lätni jɛ."
17 Cu Jɛykɔp rɔɔdɛ jiɛc, cuɛ mänkɛ kɛnɛ
gaatkɛ la̲th jio̲kni thɔ̲a̲rɔ̲a̲a̲li. 18 Cuɛ ɤɔ̲ɔ̲kɛ
cuac raar, lɛy diaal tëë cɛ dol, ɤɔ̲k tëë cɛ
jek kä Pɛydɛn-ɛram kɛ ɤöö bɛ wä kä gua̲n ni
Aydhɛk muun Kɛynɛn. 19 Cu Lɛybɛn jiɛɛn,
wëë nhiem rɔɔmnikɛ ŋuɔ̲k, kä cu Rɛycɔl kuth
wal gua̲n lɔ̲ɔ̲ kual. 20 Cu Jɛykɔp Lɛybɛn raan
Thiriyä tääy kä jɔwdɛ kɛ ɤöö 'kenɛ jɛ la̲r
ɤöö bɛ puɔ̲t. 21 Cuɛ puɔ̲t kɛ ŋɔak diaal tëë
te kɛ jɛ. Cuɛ jiɛɛn, cuɛ yier mi cɔal i
Yupa-rɛyti wä ŋuɔk kuic,

(Page 117)

cuɛ nhiamdɛ luɔt muun löli mi cɔal i Giliyɛt.
22 Mëë caa la̲r Lɛybɛn kɛ kɔr ni̲ni da̲ŋ diɔ̲k
i ci Jɛykɔp puɔ̲t, 23 cuɛ wutni gɔaaliɛn
ka̲n, cuɛ jɛ cuɔp lɛɛr kɛ ni̲ni da̲ŋ bärɔw, kä
cuɛ jɛ guɔ̲ɔ̲r a bɛɛ ku ŋäth ikä muun päämni
mi cɔal i Giliyɛt. 24 Cu Kuoth ben kä
Lɛybɛn, raan Thi̲riyä, kɛ la̲k kɛ wäär, cuɛ jɛ
jiök, i "Ji̲n tit rɔɔdu, 'cu riet kɛl lär
Jɛykɔp cäŋ ɛ mi gɔaa kiɛɛ mi jiääk." 25 Cu
Lɛybɛn Jɛykɔp ku cop. Täämɛ cu Jɛykɔp duel
duälädɛ ku yiath piny ro̲o̲l löli, Cu Lɛybɛn
kɛnɛ wutni gɔaaliɛn ben pua̲t muun löli mi
cɔal i Giliyɛt. 26 Cu Lɛybɛn Jɛykɔp jiök,
"E ŋu maci ɤä mɔ? E ŋu ɛn ɛ ci la̲tɛ a bi
ji̲n ɤä mac? Cu ji̲n nyieekä pɛc cet kɛ ja̲a̲ŋ
ti pɛ̈ckɛ ko̲o̲r? 27 E ŋu cu ji̲n puɔ̲t kɛ tɛ̈ɛ̈ɔ
a 'keni ɤä la̲r lär? Kä cu ji̲n ɤä mac? Kɛ
ɤöö dee ɤän ji jak kä wä kɛ tɛ̈th lɔaac kɛ
diit a mäni thuɔmni ti cɔal i tɛ̈mbɔrin kɛnɛ
layɔr. 28 E ŋu mi 'keni ɤä moc gua̲a̲th mi
ciɛɛmä ni gaatkä kɛnɛ nyieekä, kä la̲rä kɛ
mal? Täämɛ ji̲n ci lät ni dɔ̲ɔ̲rä.

(Page 118)

29 Ta̲a̲ kɛ lua̲ŋ mi dëë mooc ni ji riɛk, kuɛ
la ɤöö ci Kuoth guur ben kä ɤä min wa̲r, cuɛ
ɤä jiök, i Ji̲n nik ni rɔɔdu kɛ ɤöö thïlɛ mi
jiääk kiɛ mi gɔaa mi bi ji̲n ɛ la̲r Jɛykɔp.
30 Kä täämɛ ji̲n ci jiɛɛn kɛ ɤöö ci gɔl guur
tim, kä ɛ ŋu mi lɛ ni kual ni kuth walkä?"
31 Cu Jɛykɔp ɛ loc, cuɛ Lɛybɛn jiök, "Mëë
dual kɛ ɤä ɛ ɤän i dɔ̲ŋ bi ji̲n nyieeku ka̲n kä
ɤä kɛ buɔ̲m. 32 Ram ɔ bi ji̲n kuth walku jek
kä jɛ walɛ mɔ kä kɔ 'cɛ bi lɛ tëk, bɛ li̲w
ɛpuc. Nyoth duŋdu mɔ te kɛ ɤä mɔ nhiam wutni
gɔaala, kä käni jɛ." Kä Jɛykɔp 'kenɛ jɛ ŋa̲c
ɛn ɤöö ci Rɛycɔl kɛ kual.
33 Kä cu Lɛybɛn wä dueel Jɛykɔp kɛnɛ Li̲i̲yä,
kä cuɛ lɛ wä dueel nyieet la̲t da̲ŋ rɛw, kä
'kenɛ kɛ jek thi̲n. Cuɛ kac raar dueel Li̲i̲yä
cuɛ coth dueel Rɛycɔl. 34 Täämɛ Rɛycɔl ɛ
jɛn ram ëë ci kuth wal ni Lɛybɛn kual. Cɛ
kɛ tɛ̲̈ɛ̲̈ rɛy go̲kä min laa te rɛy kä min la
naath a nyuur kɛ jɛ wi̲c thɔ̲a̲rɔ̲a̲a̲l. Cu Lɛybɛn
duel ruany kɛɛliw, kä 'kenɛ kɛ jek.

(Page 119)

35 Kä cu Rɛycɔl gua̲n ni Lɛybɛn jiök,
"Kuäärä a lɔcdu 'cɛ waŋ kɛ ɤä kɛ ɤöö 'ka̲n
rɔ jiɛc nhiamdu ɛ ɤöö ta̲a̲ kɛ duŋ mään." Cu
Lɛybɛn ku gör, kä 'kenɛ kuth walkɛ jek. 36
Täämɛ cuɛ Jɛykɔp lɔcdɛ coo waŋ kɛ Lɛybɛn,
cuɛ jɛ jiök, "E ŋu mi cä guäc? Kä duerä
ŋu mi cä la̲t tɔ mɔ cu ji̲n ben kɔrä mɔ kɛ
pɛth? 37 Min cäŋ ci rɛy kuaknikä diaal gor,
ci ji̲n duŋdu mi cɔal i di ku lɛ jek thi̲n?
No̲o̲ŋni jɛ nhiam ji gɔaalun kɛnɛ ji gɔaala kɛ
ɤöö bikɛ jɛ coo luk kamdan. 38 Thilɛ ŋut
rɔɔmni kɛn ŋut bowni ti ci met thɔ̲ɔ̲r kɛ kɛn
run ti jɛn da̲ŋ rɛw tëë ta̲a̲ kɛɛl kɛ ji. Thilɛ
rueeth deeet rɔɔmni ti cä mɛt na̲k rɔ kä bun
deetku. 39 Tin dee ley dɔaar kɛ cam thilɛ
mi cä met nöŋ ji a caa cam kɛ ɤöö la rikiɛn
diaal a pɛn wi̲i̲dä kɛ ga̲ŋdiɛn. 40 E jɛn
dem deemdä niɛɛnɔ kɛ cäŋ däär bi cäŋ thukni
wi̲i̲dä, bää dee tho̲ŋ ɛ tho̲ŋ kɛ wäär baa kɔ̲c.
Cä nien kui̲c. 41 Cuaa te gɔɔlu kɛ run ti
jɛn rɛw. Cua a läätdu kɛ run ti jiath kɛl
wi̲cdɛ ŋuaan kɛ kui̲c nyieetku,

(Page 120)

a mäni run bäkɛl kɛ kui̲c buni deetku, kä
cu ji̲n ko̲kdä luëël ni kä wäl. 42 Duŋ 'ken
Kuoth gua̲a̲r, Kuoth Abɛraam kɛnɛ dual lɔaac
Aydhɛk kɛ Kuoth te kui̲c ɛ ta̲a̲ thi̲nɛ thilɛ
di̲w cët ci ji̲n ɤä jak kä jiɛn kɛ tetdä lɔrä.
Kuoth cɛ rikä nɛn kɛnɛ la̲t ëë cä la̲t kɛ
tetkä. E jɛn ɛn ëë lueekɛ ji kɛ jɛ thiaaŋ.
43 Täämɛ cu Lɛybɛn Jɛykɔp loc, cuɛ wee,
"Nyier kɛ nyieekä, gaat kɛ gaatkä, bum
leeyni kɛ bunkä, mäni ti diaal ti nɛɛni kɛɛ
nyi̲nkä. Kä bä ŋu lɛl walɛ kɛ nyieekä titi
kɛnɛ gaatkiɛn ti ci kɛn kɛ dieth? 44 Bër,
täämɛ, la̲tnɛɛ gok ɤän kɔnɛ ji, banɛ jak kä
neen kamdan kɔnɛ ji." 45 Cu Jɛykɔp päm coo
ka̲n, cuɛ jɛ cuŋ. 46 Cu Jɛykɔp ji gɔaalɛ
jiök, "Ruɔ̲ɔ̲lɛ pääm," kä cukɛ pääm ka̲n, cu
kɛn kɛ tɔaŋ piny a la di̲r, cukɛ coo mi̲th
gekä di̲rä. 47 Cu Lɛybɛn gua̲a̲th ɛmɔ cɔl i
Jɛ-gar-thaaduthä, kä cu Jɛykɔp ɛ cɔl i
Gali̲i̲t. 48 Cu Lɛybɛn wee, "Di̲r ɛmɛ baa
nyuuth kam̈dä kɛnɛ ji walɛ. Kɛ kui̲c ɛmɔ cuɛ
jɛ cɔl i Gali̲i̲t.

(Page 121)

49 Kä cuɛ päm in caa cuŋ cɔl i Midhpa kɛ
ɤöö cɛ lar, i Bi Jaopa kamdan guic gua̲a̲
da̲knɛ piny. 50 Mi wii nyieekä ciɛŋ a jiäk
kɛnɛ mi wii män kɔkiɛn kuɛ̈n kɔɔriɛn, a cäŋ
lät kɔn duɔ̲ɔ̲r a thilɛ ram mi nɛɛn kɔn, tit
ɛ, i Kuoth ɛ neen kamdä kɔn ji." 51 Cu
Lɛybɛn Jɛykɔp jiök, "Nɛn di̲r ɛmɛ kɛnɛ pääm
ti cä la̲th kamdan kɔn ji ti. 52 Di̲r ɛmɛ
ɛ nyuuth, kä päm ɛmɛ ɛ nyuuth kä ɤöö 'cä
päm bi yuɔ̲r i, kä 'ci ji̲n di̲r ɛmɛ kɛnɛ päm
ɛmɛ bi yuɔ̲r ɤä kɛ jiääk, 53 Täämɛ Kuoth
Abɛraam, kä Kuoth Nɛyɔr, kä Kuoth gua̲nikiɛn
bɛ kamdan luk kɔnɛ ji." Kä cu Jɛykɔp rɔɔdɛ
ya̲c kɛ dual gua̲n ni Aydhɛk kɛ Kuoth. 54 Cu
Jɛykɔp Kuoth na̲k duɔ̲ɔ̲r wii pa̲a̲m, cuɛ ji
gɔaal cɔl cukɛ juray cam, cukɛ te wii pa̲a̲m
ɛmɔ kɛ wäär kɛɛliw. 55 Mëë ruɔ̲n kɛ runwaŋ
cu Lɛybɛn rɔ jiɛc, cuɛ gaat nyieetkɛ kɛnɛ
nyieekɛ cim, cuɛ kɛ ŋuɔ̲l ruɛy, kä cuɛ loc
cieŋdɛ.

(Page 122)

Nuer Field Project Nouns Verbs Verb Book Expressions Grammar Genesis Others