Nuer Field Project

Nouns Verbs Verb Book Expressions Pedagogical Grammar of Nuer Translation of Genesis in Nuer Others

Bible Translation

Cio̲o̲k 25

1 Cu Abɛraam ciek mi cɔal i Kɛtura ka̲n. 2
Cuɛ gaat dieth kɛ jɛ: Dhimɛran, Jɔkcan,
Nɛydan, Midiyɛn, Ecabak kɛɛ Cuwa. 3 Jɔkcan
cuaa gua̲n Cipä kɛnɛ Dɛydan. Gaat Dɛydan
cuaa Acurim kɛɛ Lɛtucim, kɛɛ Lɛyumim. 4
Gaat Midiyɛn cuaa Epa, kɛɛ Epär, kɛɛ Anɔk,
kɛɛ Abida, kɛɛ Eldaa. Titi diaal kɛ kɛn
gaat Kɛtura. 5 Kä cu Abɛraam ŋɔakɛ diaal
tëë te kɛ jɛ ka̲m Aydhɛk. 6 Cu Abɛraam
gaatkɛ tin kɔŋ tin la gaat luɔmnikɛ moc kɛ
muc, kä cuɛ kɛ tuk kut gatdɛ ni Aydhɛk ni ɛn
gua̲a̲th ëë ŋotɛ kɛ mi ciɛŋɛ ni cieŋ ëë te
kui̲cɔ wëë kä käny ca̲ŋɔ. 7 Titi kɛ kɛn run
tɛɛkä Abɛraam run ti kuɔ̲r kɛl wi̲cdɛ jɛn
bärɔw wi̲cdɛ dhieec.

(Page 86)

8 Cu Abɛraam yiëëdɛ ku ŋuɔɔk, cuɛ li̲w
dɔŋä mi di̲i̲t. Cuaa wut mi dɔaaŋ kɛ run ti
nyin ŋuan, cuɛ rɔɔdɛ ku ma̲t nɛɛkiɛn. 9
cuɔ Abɛraam kony ɛ gaatkɛ Aydhɛk kɛnɛ
Icmɛyɛl. Cu kɛn ɛ kony rɛy kɔ̲kä pa̲a̲m
Mckpi̲i̲lä muun Epɛrɔn gat Dhoar min la Hitayt
mi te kui̲c käny ca̲ŋ kä Mɛ̈mɛrɛy. 10 E jɛn
muun ëë ci Abɛraam ɛ kɔk kä gaat Hitayt, ɛ
jɛn cuaa Abɛraam kony thi̲n kɛnɛ ciekdɛ ni
Thɛyrä mɔ. 11 Kɛ kɔr lieth Abɛraam Kuoth
cuɛ gatdɛ ni Aydhɛk poth, kä cu Aydhɛk cieŋ
muun Bi-ri-la-hay-rɔy.
12 Täämɛ titi kɛ kɛn kuay bëëri gan Icmɛyɛl
ëë la gat Abɛraam mëë diethɛ kɛ nya rööl
Ijipt mi cɔal i Hagar mëë la nya la̲t ciëk
Abɛraam ni Thɛyrä. 13 Kä titi kɛ kɛn ciööt
gan Icmɛyɛl, ciöötkiɛn tin guɔ̲rkɛ ro ni
bëërikiɛn. Gat Icmɛyɛl in kɛ̲̈ɛ̲̈ cɔalɛ
Nɛ-ba-yɔth kɛnɛ Kɛydar, kɛ Adɛ-bɛɛl kɛ
Mi-pɛ-tham, 14 kɛ Micɛma, kɛnɛ Dumä, kɛ
Mathä, 15 kɛ Hɛydat, kɛnɛ Tɛmä, kɛ Jɛtur,
kɛ Nɛypic, kɛnɛ Kɛdɛmä.

(Page 87)

16 Titi kɛ kɛn gaat Icmɛyɛl, kä titi kɛ kɛn
ciöötkiɛn kɛɛl kɛ guäth wi̲i̲nikiɛn kɛnɛ thuk
duelikiɛn, kɛ gaat dieelikiɛn kɛ dörkiɛn.
17 Kä titi kɛ kɛn run teekä Icmɛyɛl wi̲i̲
muɔ̲ɔ̲n run ti kuɔ̲r kɛl wi̲ɔdɛ jɛn diɔ̲k wi̲cdɛ
bärɔw. Cuɛ coo li̲w, kä cuɛ yiëëdɛ ŋok cuɛ
li̲w, cuɛ rɔɔdɛ ma̲t watkiɛn. 18 Cukɛ cieŋ
kä Hapilä a räth ni kä Cur min lot ni Ijipt
lotä Thiriyä kä käny ca̲ŋ. Cuɛ wä pua̲t kui̲c
nɛɛnikiɛn. 19 Titi kɛ kɛn kuay Aydhɛk in
la gat Abɛraam. Abɛraam ɛ jɛn gua̲n Aydhɛk.
20 Aydhɛk tëë kɛ run ti jɛn ŋuaan mëë
kuɛnɛ Ribɛkä nya Bɛthuɛl, mëë la raan Thiriyä
wi̲c mi cɔal i Pɛy-dɛn-ɛram nyiman Lɛybɛn
raan Thiriyä. 21 Kä cu Aydhɛk Jaopa läŋ
kɛ kui̲c ciëkdɛ kɛ ɤöö thilɛ jɛ gat. Kä cu
Jaopa la̲ŋdɛ liŋ, cu ciekdɛ ni Ribɛkä cu ruët.
22 Cu gaat dhuɔ̲ɔ̲c jiidɛ, kä cuɛ wee, "Mi
bɛ tee inɔ, bä ku lɛ lɛl ni ŋu teekä?" Cuɛ
Jaopa wä thiec. 23 Cu Jaopa jɛ jiök, "Dör
da̲ŋ rɛw a jiidu, dör da̲ŋ rɛw ti bi ji̲n kɛ
dieth, baa kɛ da̲a̲k,

(Page 88)

bi kɛl min dɔdiɛn leny kɛ buɔ̲m, bi gat in gur
bo̲o̲thä kɛ̲̈ɛ̲̈ yiɛn. 24 Kä mëë ci gua̲a̲th dapkädɛ
cop, liɛŋɛ jɛ, cu cuɛ̈ɛ̈k da̲ŋ rɛw jɔɔc jiidɛ.
25 Cu gat in bo̲th ni jɛn käny raar a kuɛɛ
laa yua̲a̲l, tith puɔ̲nydɛ ɛcuät kɛ nhiam.
Cukɛ ciötdɛ coo cɔl i Ithɔɔ. 26 Kä kɛ
kɔrɛ cu kɛn ɛ cɔl i Jɛykɔp. En guäth ɛmɔ ci
Aydhɛk runkɛ ku thuŋ a jɛn bäkɛl mëë dieethɛ
gaatkɛ.
27 Mëë ci dhɔɔl tɔtɔ ku piith a cikaa wutni,
Ithɔɔ cuɛ rɔ ŋieec kɛ ka̲k leeyni ɛlo̲ŋ, cuɛ
cuaa raan dɔaar. Kä kɛ gua̲a̲th ëë te Ithɔɔ
inɔ, cu Jɛykɔp a ram mi bit bit mi laa ciɛŋ
ni duel. 28 Täämɛ Aydhɛk nhɔkɛ Ithɔɔ ɛlo̲ŋ
kɛ ɤöö laa jɛ a no̲ŋɛ mi camɛ dɔɔr, kä
Ribɛkä nhɔkɛ ni Jɛykɔp. 29 Kɛ cäŋ kɛl cu
Jɛykɔp cuɛy thal, kä mëë ci Ithɔɔ luny jɔk
guäth ëë cɛ wä kak thi̲n, cuɛ ben a ci buɔth
ɛ näk. 30 Kä cu Ithɔɔ Jɛykɔp jiök, "Ŋɔali
ɤä moc kä cuɛy ti dɛɛr titi kɛ ɤöö liewä
kɛɛ buɔth.

(Page 89)

Kɛ kui̲c nɛmɛkä cuaa jɛ cuaa cɔalkɛ i Idɔm.
31 Cu Jɛykɔp wee, "Kɔni ɤä kök puɔ̲th di̲tä
diëëthdu." 32 Cu Ithɔɔ wee, "Puɔ̲th di̲tä
diëëthdä luɔtdɛ ŋu kɛ ɤä?" 33 Cu Jɛykɔp
wee, Yac rɔ kɛ ɤä kɛɛ nhiam." Cuɛ rɔ coo
yac inɔ, kä cuɛ puɔ̲th di̲tä diëëthdɛ coo kök
Jɛykɔp. 34 Täämɛ cu Jɛykɔp Ithɔɔ coo ka̲m
mieth kɛnɛ cuɛy, cuɛ mi̲th kä cuɛ maath, kä
cuɛ wä dupdɛ. Cuɛ cuaa ɛn ca̲ny ëë cu Ithɔɔ
ɛ coo caany ni puɔ̲th di̲tä diëëthdɛ inɔ.

Nuer Field Project Nouns Verbs Verb Book Expressions Grammar Genesis Others