|
|
||||||
|
|
|
|
|
|
|
Cio̲o̲k 17
1 Kä mëë ci Abram runkɛ kua jɛn bäŋuan
wi̲cdɛ bäŋuan cu Jaopa ben kä Abram cuɛ jɛ
jiök, "E Ɣän Kuoth mi te kɛ buɔ̲m kɛɛliw,
cieŋni nhiamdä a thil bɛ̈l. 2 Kä Ɣän bä
guokdä la̲t kamdan kɔn ji, ji̲n bii rep ɛlo̲ŋ."
3 Täämɛ cu Abram rɔ yuɔr piny nhaimdɛ, kä
cu Kuoth ɛ jiök, 4 "Nɛn ɛ, guokdä a kɛ
ji, bi ji̲n a gua̲n döri ti ŋuan ti bath dɔɔr.
5 'Cä ji bi lɛ met nyɔk kɛ ciöt i Abram,
(Page 51)
baa ji kua cɔalkɛ i Abɛraam kɛ ɤöö Ɣän cä
ji jak kä gua̲n nɛɛni ti nyin ŋuan. 6 Ɣän
bä ji jak kä dieethi rɔɔdu ɛlo̲ŋ, bä dör ti
nyin ŋuan cak kɛ ji, kä bi kua̲r ti di̲t jɔɔc
ni rɛydu bä. 7 Ɣän bä guokdä la̲t kamdan
kɔn ji, kɛ kuayku kɔɔru a pal ni ri̲cnikiɛn
diaal. Baa guok mi thil pek. Ba̲a̲ Kuoth
kä ji a mäni kuayku kɔɔru. 8 Kä Ɣän bä ji
ka̲m mun mi ɤo̲th yɛn thi̲n mäni kuayku ti bä
kɔɔru, mun Kɛynɛn pa̲ny kɛɛliw kɛ ɤöö baa
duŋdun mäni cäŋ kɛl. Kä Ɣän ba̲a̲ Kuothdiɛn."
9 Kä cu Kuoth Abɛraam jiök, "Baa wi̲cdu kɛ
ɤöö bi guokdä la̲t ji̲n yɛnɛ kuayku ti bi ben
kɔɔru kɛ ri̲ckiɛn diaal. 10 Mɛmɛ ɛ jɛn guokdä
min bi ji̲n ɛ rɔm, ji̲n yɛnɛ kuayku ji bi ben
kɔɔru: Tut diaal rɛydun baa kɛ cuɛl. 11 Baa
yɛ cuɛl, baa thok gupä tɛm. Baa nyuuth guokä
kamdan kɔn ji. Dho̲o̲l mi ni̲nkɛ bädäk
rɛydun baa cuɛl. Tut diaal a pal ni kä ri̲cdun
diaal cäŋ ɛ mi diëthkɛ gɔɔlun, kiɛ mi kɔakkɛ
kɛ yio̲o̲kun, kä jur mi 'ci aa diethdun.
(Page 52)
13 Kɛn diaal mi diëthkɛ gɔɔlun kiɛɛ mi
kɔakkɛ kɛ yio̲o̲kun baa kɛ cuɛl. Kɛ kui̲c ɛmɔ
guokdä bɛ te rɛy rieŋdun, ɛɛ guok mi do̲t
raar. 14 Ram mi 'ka̲n cuɛl a 'ka̲n thok
gupädɛ tɛm baa jɛ ŋuɔk raar kä nɛɛkɛ. Cɛɛ
guokdä to̲l ɛn ramɔ.
15 Kä cu Kuoth Abɛraam jiök, "Ciekdu min la
Thɛyray 'caa jɛ bi lɛ cɔl i Thɛyray, bi
thɛyrä a jɛn ciötdɛ. 16 Ɣän bä jɛ poth,
kä min dɔ̲ŋ ɛ ɤöö bä ji moc gat kɛ jɛ. Ɣän
bä jɛ poth, kä bä jɛ jak kä man döri. Kua̲r
döri bikɛ jɔɔc kä jɛ." 17 Täämɛ Abɛraam
cuɛ rɔɔdɛ yuɔr piny, cuɛ to̲k dɔl. Cuɛ lar
kɛ lɔcdɛ, "Dee wut mi runkɛ kuɔ̲r kɛl gat lɛ
ni dieth? Dee Thɛyrä mi runkɛ jɛn bäŋuan
lɛ ni dap kɛ gat?" 18 Kä cu Abɛraam Kuoth
jiök, "Aɤ, Kuoth, dee Icmɛyɛl ku cieŋ
nhiamdu." 19 Cu Kuoth wee, "ëc, kä ciekdu
ni Thɛyrä bɛ ji da̲p gat mi dho̲o̲l. Kä bi
ji̲n ciötdɛ cɔl i Aydhɛk. Ɣän bä guokdä la̲t
kɛ jɛ a la guok mi do̲t raar kɛ kui̲c kuaynikɛ
ti bä kɔɔr.
(Page 53)
20 Kä kɛ kui̲c Icmɛyɛl cä ji liŋ. Liŋ ɛ,
Ɣän bä jɛ poth, kä bä jɛ jak kä dieethɛ rɔ,
bä jɛ rep ɛlo̲ŋ. Bä jɛ jak kä gua̲n kua̲ri
da̲ŋ wäl rɛw, kä bä jɛ jak kä do̲r mi di̲i̲t.
21 Kä Ɣän bä guokdä la̲t kɔnɛ Aydhɛk in baa
da̲p ji ɛ Thɛyrä ithaar cɔ̲tänɛ." 22 Mëë ci
Kuoth thuɔ̲k kɛ laat tɔtɔ kɛ jɛ cuɛ jiɛɛn kä
Abɛraam, cuɛ wä nhial.
23 Täämɛ Abɛraam cuɛ gatdɛ ni Icmɛyɛl ka̲n
mäni ja̲a̲ŋ diaal tëë diëthkɛ gɔɔlɛ a mäni ti
kɔkkɛ kɛ yio̲o̲kɛ, tut wutni diaal ji gɔaal
Abɛraam ti cieŋ gɔɔl Abɛraam. Cuɛ kɛ cuɛl,
cuɛ gupkiɛn tëm kɛ jɛn cäŋ ɛmɔ cet kɛ mi ci
Kuoth ɛ la̲r jɛ. 24 Abɛraam mëë cuɛ̈lkɛ jɛ
runkɛ jɛn bäŋuan wi̲cdɛ ŋuaan, cuaa thok gupädɛ
tem. 25 Kä gatdɛ ni Icmɛyɛl runkɛ wäl diɔ̲k
mëë cuɛ̈lkɛ jɛ, mëë tɛ̈mkɛ thokk gupëdɛ. 26
En cäŋ ɛmɔ cuaa Abɛraam kɛnɛ gatdɛ ni Icmɛyɛl
cuɛl. 27 Kɛnɛɛ wutni gɔaalɛ diaal tëë
diëthkɛ gɔɔl, kɛnɛ tëë kɔakkɛ kɛ yio̲w, kä
ram mi jur cuaa cuɛl kɛɛl kɛ jɛ.
(Page 54)
| Nuer Field Project | Nouns | Verbs | Verb Book | Expressions | Grammar | Genesis | Others |