Nuer Field Project

Nouns Verbs Verb Book Expressions Pedagogical Grammar of Nuer Translation of Genesis in Nuer Others

Bible Translation

Cio̲o̲k 15

1 Kɛ kɔr ŋɔaani tɔtɔ cu ruac Jaopa ben kä
Abram kɛ la̲k, i " 'Cu dual, Abram, ɛ Ɣän
ko̲tdu. Mucdu baa mi di̲i̲t ɛlo̲ŋ." 2 Cu
Abram wee, "Aɤ Kuoth Jaopa, bi ɤä ka̲m ni
ŋu kɛ ɤöö ŋuɔtä thilɛ ɤä gat, kä ram in bi
aa wi̲c ŋɔaknikä ɛ jɛn E-liɛɛ-dhɛr in la raan
Damathkäth?" 3 Kä cu Abram wee, "'Keni
ɤä moc gat, kä ja̲ŋ mi diëthkɛ gɔɔla baa jɛn
gua̲n ŋɔaanikä cäŋ mi waa li̲w." 4 Kä nɛ̈nɛ
jɛ, cu ruac Jaopa ben kä jɛ inɛ: "Wut ɛmɛ
'cɛ bi aa jɛn gua̲n ŋɔaaniku. Gatdu puɔ̲nydɛ
pa̲ny baa jɛn gua̲ndiɛn." 5 Cuɛ jɛ naŋ raar,
cuɛ jɛ jiök, "Nɛn nhial. Kuɛn kuɛl mi deyi
kɛ luäŋ." Kä cuɛ jɛ jiök, "E jɛn mäni
kuayku bikɛ tee inɔ."
6 Kä cuɛ Jaopa ŋäth, cuaa cuɔ̲ɔ̲ŋ kä jɛ kä
Jaopa. 7 Kä cuɛ jɛ jiök, "E Ɣän Jaopa mëë
kam ji raar kä Ur ro̲o̲l ji Kaldiyɛn kɛ ɤöö
bä ji ben ka̲m mun ɛmɛ a la duŋdu mi bi yiɛn."
8 Cu Abram Jɛ jiök, "Aɤ Kuäär Kuoth, ɤän
bä jɛ ŋa̲c i di ɛn ɤöö baa duŋdä?"

(Page 47)

9 Cuɛ jɛ jiök, "No̲ŋni ɤä nac mii liip tuut
mi runkɛ diɔ̲k kɛnɛ nac dɛ̈ɛ̈l mi runkɛ diɔ̲k,
kɛ dɔw guukä." 10 Kä cuɛ Jɛ nöŋ ti diaal
titi. Cuɛ kɛ ba̲k, kä cuɛ kui̲cɔ ba̲k kä
min dɔ̲ŋ, kä 'kenɛ dit ba̲k inɔ. 11 Mëë ci
way pɔɛn pua̲nyni leeyni tëë ci li̲w cu Abram kɛ
tur. 12 Wä ca̲ŋ piny cu nien mi di̲i̲t ben
kä Abram, kä nɛ̈nɛ jɛ, cu muth dualä mi
di̲i̲t ben kä jɛ. 13 Täämɛ cu Jaopa Abram
jiök, " Ŋäcni jɛ ɛ thuɔ̲k i kuayku bikɛ a
ja̲a̲l muun mi 'ci mɔ a mundiɛn, kä bikaa
ja̲a̲ŋ thi̲n, baa kɛ miɛɛt kɛ run ti kur ŋuaan.
14 Kä bä do̲r mi la̲tkɛ kɛ duäc, kä kɛ kɔrɛ
bikɛ ben raar kɛ ŋɔak ti ŋuan ɛlo̲ŋ. 15
Ji̲n baa ji kony a ci run dɔŋädu ŋuan ɛlo̲ŋ.
16 Bikɛ luny muun ɛmɔ kɛ ŋuaan ri̲cni kɛ ɤöö
jiääk ji Amarayt 'ken pekdɛ ni cop." 17
Mëë ci cäŋ wä piny a ci ɤɔw cuɔl, nɛ̈nɛ jɛ,
cu mac tuɔɔl cukä mi laa rɔamkɛ mac kɛnɛ
bo̲l rithä cooth kɛ kam ri̲i̲ŋ tin caa ba̲k.

(Page 48)

18 En cäŋ ɛmɔ cu Jaopa guok la̲t kɛɛ Abram
cuɛ wee, "Mun ɛmɛ ka̲mä jɛ kuayku tɛmɛ jɛ ni
yieer Ijipt a pal ni yieer in di̲i̲t kä
Yupa-rɛyti. 19 A pal ni muun ji Kɛynayt,
kɛ ji Kɛynidhayt, kɛ ji Katɛ monayt, 20
kɛ ji Hitayt, kɛ ji Pɛridhayt, kɛ ji Rɛpayim,
21 kɛ ji Amarayt, kɛnɛ ji Kɛynɛnayt, kɛ ji
Gir-gacayt, kɛ ji Jɛbu-dhayt."

Nuer Field Project Nouns Verbs Verb Book Expressions Grammar Genesis Others